Ole Jonny skal drive både Vookal og Natvik
Ole Jonny gjekk måndag offisielt inn i rolla som dagleg leiar hos E. Natvik Prenteverk. Det er gjennom selskapet Atema som Ole Jonny driv at han har kjøpt seg inn på eigarsida av Natvik. Han skal fortsette som før, som dagleg leiar i Vookal. Håvard Henriksen i Natvik blir produksjonssjef og styreleiar for trykkeriet. Begge eig dei no 50% kvar av E. Natvik Prenteverk.
- Det blir nok meir enn ein 100% stilling no i starten, ja. I ein overgangsfase blir det ein del turar mellom Florø og Førde, til dette landar litt og vi finner den beste vegen vidare, forklarar Ole Jonny. Men han er optimist på det nye prosjektet. Vi har lenge hatt eit godt samarbeid med Natvik, og dei har tenester som komplimenterer våre. Han har trua på selskapet, og no er planen til Ole Jonny å hjelpe trykkeriet i Florø med å få den overordna drifta i overskot. – Det er ingen plan om samanslåing, og både Vookal og Natvik vil drive som sjølvstendige selskap. Eg skal hjelpe til der eg kan for å sikre drift, og få alt til å gå rundt begge stader. Eg trivast i ein stadig endrande og pulserande bransje, og då må ein ta mogelegheitene som dukkar opp. Med å spisse drifta enda meir, og betre samarbeid oss i mellom, har eg trua på dette lukkast, fortel han.
- Eg gler meg til samarbeidet og har trua på at vi kan utfylle kvarandre i drifta av selskapet. Vi kjenner kvarandre godt, og overlappar kvarandre godt på kompetanse og eigenskapar, avsluttar Håvard.
